तुर्भे इंदिरा नगर येथील नागरी समस्या सोडविण्यासाठी वंचित बहुजन आघाडी चे महापालीका आयुक्तांना साकडे

वंचित बहुजन आघाडी च्या इंदिरा नगर-तुर्भे प्रभाग क्रमांक 73 च्या वतीने नवी मुंबई महानगरपालिका आयुक्त अभिजित बांगर यांना इंदिरा नगर परिसरातील रहिवाशांना भेडसावणाऱ्या विविध नागरी समस्या सोडवण्यासाठीचे निवेदन देण्यात आले.यात रस्ते दुरुस्ती,गटार दुरुस्ती,नियमित साफसफाई करणे,सार्वजनिक शौचालय बांधणे आणि प्रत्येक शौचालयास लागून मुतारी बांधणे, दिवाबत्ती दुरुस्ती,अर्धवट अवस्थेत ज्या ठिकाणी पाणी पुरवठा करणाऱ्या जलवाहिन्या सोडून दिल्या आहेत त्या पूर्ण करणे आणि इतर समस्या करणे जिवास धोकादायक असलेल्या विजवाहक तारा काढून त्या भूमिगत कराव्यात ह्या मागणीचे निवेदन देण्यात आले. इंदिरा नगर हा परिसर तुर्भे एमआयडीसी क्षेत्रात असलेली मोठी लोकसंख्या असलेली झोपडपट्टी क्षेत्र आहे. या ठिकाणी हातावर पोट असणारा मजूर वर्ग मोठया प्रमाणात वास्तव्यास आहे.आजतागायत येथील नागरी समस्या च्या बाबतीत प्रस्थापित सत्ताधारीनी आणि महानगरपालिका प्रशासनाने म्हणावे तसे लक्ष दिले नाही. त्यामुळे नागरी सुविधा मिळण्यापासून वंचित असणाऱ्या इंदिरा नगर प्रभाग क्रमांक 73 च्या रहिवासी साठी आता वंचीत बहुजन आघाडी सरसावली आहे. त्यामुळे आज दिनांक 29/09/2020 रोजी वाशी नवी मुंबई महानगरपालिका आयुक्त अभिजित बांगर यांची प्रत्येक्षात वंचीत बहुजन आघाडी च्या कार्यकर्त्यांनी मा.बेलापूर विधानसभा उमेदवार गौतम गायकवाड यांच्या नेतृत्वाखाली भेट घेऊन इंदिरा नगर परिसरातील रहिवाशांना भेडसावणाऱ्या नागरी समस्या तात्काळ सोडविण्याची मागणी केली.समस्या न सोडवल्यासअन्यथा आंदोलन करण्याचा इशारा देण्यात आला. यावेळी वंचित बहुजन आघाडी चे इंदिरानगर प्रभाग क्रमांक 73 चे वॉर्ड अध्यक्ष सुनील गायकवाड, काशिनाथ पवार,दीपक गायकवाड,अमोल कांबळे,भाऊराव भालेराव,सुधाकर प्रशाळे आदी कार्यकर्ते उपस्थित होते.यावेळी चर्चेअंती सदर नागरी समस्या लवकरच मार्गी लावण्याचे आश्वासन नवी मुंबई महानगरपालिका आयुक्त अभिजित बांगर यांनी दिले.